aragonés

Durante decenios hemos heredau os prencipals vicios d’o Rechimen franquista, que nunca no nos hemos cansau de denunciar: a continuidat d’a politica economica, d’as institucions recicladas, d’a Espanya indivisible, d’o patriarcau más salvache, d’a fura represión politica… A clamada ‘Transición’ no estió sino una Transacción de Poders en a que a placida sucesión en a Chefatura de l’Estau, d’o dictador a o sucesor trigau por él mesmo, ye a suya más altera expresión. O papel d’a cucha reformista, que s’adhibió a iste proceso reblando y abandonando practicament todas as demandas d’a oposición popular a o franquismo, estió alazetal pa l’exito d’o proceso. A ruptura democratica en l’Estau espanyol quedaba y encara queda pendient.

Agora, quan se cumplen 35 anyadas d’a Constitución Espanyola d’o ’78, as organizacions chovenils revolucionarias d’os pueblos baixo churisdicción de l’Estau espanyol, esviellamos a nuestra voluntat de prener as riendas d’o nuestro destín en un contexto en que o dreito a decidir (indistintament d’a suya posible aplicación sobre os nuestros pueblos, os nuestros cuerpos, sobre o modelo economico, sobre l’emplego d’o espacio y de l’entorno, asinas asinas) ye de contino vulnerau. Ista calendata tant simbolica, argüello d’o Rechimen espanyol que aconsigue imposar en un clima de medrana y tutela de l’Echercito espanyol as suyas regles de chuego, ye a que hemos trigau as diferents organizacions chovenils d’os pueblos oprimius pa anunciar a creyación d’un espacio de luita estratechico, siempre dende o respecto y reconoiximiento a as dinamicas que marcan o treballo en cada territorio, y por tant, a soberanía de todas ellas.

A situación d’a choventut en os nuestros pueblos ye plenament critica: precariedat laboral, desempleyo, exilio, enrestida a os dreitos sexuals y reproductivos, elitización d’o sistema educativo, empobrecimiento, mercantilización d’os puestos y actividatz d’ocio, negación d’a cultura y luengas propias asinas asinas. Antimás, no podemos dixar de denunciar a criminalización y represión a la que o Rechimen espanyol chusmete t’a chovenalla conscient y combativa por desembolicar as nuestras actividatz de luita militant. Con ista anvista, manimenos, no nos fa cayer en o desintrés, sino que nos empenta a redoblar esfuerzos en a construcción d’as alternativas existents, tanchibles y seriosas, que naixcan d’o pueblo y sigan por y ta o pueblo.

Frent a o suyo capitalismo devorador, frent a o suyo imperialismo espanyolizador y frent a o patriarcau, a chovenalla alegre y combativa apostamos firmement por a liberación nacional d’os nuestros pueblos, o feminismo y o socialismo. A qüestión de chenero, de clase y nacional son os nuestros tres eixes de luita alazetals. Os nuestros movimientos no existen pa mendigar migajas, naixen pa vencer y pa conquerir l’esdevenidero por meyo d’a constancia, a consciencia y a fortaleza ideolochica que nos caracteriza.

Dende as organizacions chovenils d’os pueblos oprimius por l’Estau espanyol, queremos fer publica a nuestra firme decisión d’enantar por iste camín d’ilusión y asperanza. Y más que más, de fer-lo con l’internacionalismo por sinyal, sabendo que estricallar tot l’empandullo institucional d’o Rechimen espanyol, d’a economía criminal capitalista y d’as mentalidatz antigas ha d’estar una faina replegada por totz y todas as que creyemos en a chusticia social. Dende aquí nos concaramos a o Rechimen espanyol y reiteramos o nuestro firme compromís de continar luitando dende os nuestros territorios, diya par d’atro y cueste o que cueste dica aconseguir a plena liberación nacional, social y sexual d’os nuestros pueblos.

En Aragón, a 6 d’Aviento de 2013

Nombre d’as Organizacions sinyants:

ARRAN, AZARUG, BRIGA, DARRÉU, ERNAI, INEKAREN, ISCA!, JALEO!!!, PURNA, YESCA

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s